Jahon chempionatining 1/8 finalidan o‘rin olgan Germaniya hamda Jazoir terma jamoalari o‘rtasidagi o‘yin o‘z yakuniga yetdi. Uchrashuvda nemislar qiyinchilik bilan raqiblarini mag‘lub etib, keyingi bosqichga yo‘l olishdi, deya xabar berdi Uff.uz.
O‘yindan oldin ko‘pchilik Germaniya terma jamoasining ishonchli tarzda g‘alaba qozonishini kutgandi. Ammo jazoirliklar jahon chempionatiga shunchaki keilshmaganini barchaga isbotlay olishdi. Ular 90 daqiqadan ortiqroq vaqt davomida Germaniya terma jamoasiga munosib qarshilik ko‘rsatishdi. Faqatgina qo‘shimcha bo‘limlarda Andre Shyurle raqib darvozasi tomon yo‘l topa oldi.
Qo‘shimcha bo‘limning so‘nggi daqiqasida Jazoir terma jamoasi a’zosi Abdulmo‘min Jabu javob qaytarishga muvaffaq bo‘ldi. Ammo bu vaqtga kelib, Germaniya 2:0 hisobida oldinda borayotgandi. Mesut O‘zil bir daqiqa avval gol kiritib, terma jamoasining keyingi bosqichga yo‘l olishini ta’minlab qo‘ygandi.
Germaniya – Jazoir 2:1 (qo‘shimcha vaqtda)Gollar: 1:0 – 92 Shyurrle, 2:0 – 119 O‘zil, 2:1 – 120 Djabu.Germaniya – Noyer, Dj.Boateng, Mertesaker, Mustafi (Xedira, 70), Xevedes, Shvaynshtayger (Kramer, 109), Lam, Kroos, O‘zil, Getse (Shyurrle, 46), Myuller.Jazoir – Mboli, Mandi, Allish (Bugerra, 97), Belkalem, Gulyam, Mostefa, Taider (Braimi, 78), Lasen, Feguli, Sudani (Jabu, 100), Slimani.Ogohlantirishlar: Allish (42), Lam (107).
Izoh (0)