ЖЧ — 2014 нимчорак финали доирасидаги Франция – Нигерия учрашуви ўз ниҳоясига етди ва унда Европа қитъаси вакиллари келаси босқич масаласини ҳал қилишди.
Uff.uz хабар беришича, учрашув биринчи бўлими хавфли вазиятларга бой бўлмади. Жамоалар эҳтиёткорлик билан ҳаракат қилишди ва рақиб ўйинини ўрганиш учун кўп вақт сарфлашди.
Шу сабаб биринчи бўлимда томонлар гол кирита олишмади, бироқ Нигериянинг ҳужумлари сони кўпроқ ва сифати юқорироқ эди.
Иккинчи бўлимдан франсияликлар ўйин тизгинини ўз қўлларига олишди ва кўплаб хавфли ҳужумлар ташкил этишди.
Валбуэнанинг ажойиб ўйини якунда гол келтирди. Айнан паст бўйли ярим ҳимоячининг бурчакдан ташлаб берган тўпини Пол Погба боши билан дарвоза томонга йўллаб қўйди, 1:0.
Ҳакам томонидан қўшиб берилган дақиқаларда яна Валбуэна Бензема билан бурчакдан тўпни ўйинга киритишди, ярим ҳимоячининг жарима майдонга ташлаб берган тўпини Ёбо ўз дарвозасига киритиб юборди, 2:0.
Шу тариқа, Франция ЖЧ — 2014 мусобақалари чорак финалига йўл олди, мазкур босқичда уларга Германия – Жазоир учрашуви ғолиби рақиб бўлади.
ЖЧ — 20141/8 финал босқичи
Франция – Нигерия 2:0 (0:0, 2:0)Голлар: 1:0 – 79 Погба, 2:0 – 90, автогол Ёбо.Франция – Лорис, Дебюши, Варан, Коселни, Эвра, Кабай, Погба, Матюиди, Валбуэна (Сиссоко, 90), Жиру (Гризманн, 62), Бензема.Нигерия – Энема, Эмброуз, Омеруо, Ёбо, Ошанива, Онази (Габриэл, 59), Оби Микел, Одемвинги, Мозес (Нвофор, 89), Муса, Эменике.Огоҳлантиришлар: Матюиди (54).
Изоҳ (0)