Rossiya prezidenti Vladimir Putin va Ukraina prezidenti Pyotr Poroshenko Kiyev tomonidan ilgari surilayotgan Donbass mintaqasidagi ziddiyatlarni tinch yo‘l bilan hal qilish taklifini telefon orqali muhokama qildi. Bu haqda Reuters xabar berdi.
O‘tgan seshanba kuni ushbu hududda Ukraina harbiylari tomonidan o‘tkazilgan operatsiyalar tufayli Rossiya Davlat televideniyesi muxbiri va videomuhandisi halok bo‘lgan. Bu haqda Rossiya Davlat tele va radio uzatish xoldingi (VGTRK) xabar berib, ular Igor Kornelyuk va Anton Voloshin ekanligi tasdiqlandi.
“Vladimir Putin rossiyalik jurnalistlarning Lugansk hududidagi fojiali o‘limidan qayg‘urmoqda va o‘z e’tiborini OAV vakillarining xavfsizligini kuchaytirish masalasiga qaratdi”, — deb xabar beradi Kreml, suhbatdan so‘ng.
Ukraina armiyasi bu hududda “aksilterrorchilik operatsiyalari” ni amalga oshirmoqda. Kreml va Rossiya Davlat televideniyesi esa ularni “jazo operatsiyasi” deb atashmoqda. Poroshenko hafta davomida ayirmachilardan Rossiya bilan chegaradosh hududlarni qaytarib olishga va’da berdi. Shundan so‘ng, ular bilan muzokaralar olib boriladi va ularga amnistiya taklif qilinadi. Isyon ko‘tarilgan hudud aholisi orasida esa, konstitutsiyani isloh qilish va mahalliy yetakchilar saylash yo‘li bilan qon to‘kilishini to‘xtatish nazarda tutilgan.
Kremlning xabar berishicha, may oxirida Ukraina prezidentligiga saylangan Pyotr Poroshenko va Rossiya prezidenti Vladimir Putin Normandiyada bo‘lib o‘tgan “D kuni” marosimida qisqa suhbat qurishgan bo‘lsa-da, ular orasida rasmiy uchrashuv bo‘lgani yo‘q.
Izoh (0)