Xitoy hukumati o‘zining ikki millionlik armiyasida xizmat qilishni istovchilar uchun talablarni kamaytirdi. Bu harbiy xizmatchilar sonini oshirish ehtiyoji bilan bog‘liq deb xabar beradi “ITAR-TASS”.
Jumladan, harbiy xizmatga chaqiriluvchilarning jismoniy holatiga bo‘lgan talab ancha yumshatildi. Bu borada minimal bo‘y uzunligi erkaklar uchun 162 santimetrdan 160 santimetrga, ayollar uchun 160 santimetrdan 158 santimetrga qadar pasaytirildi. Xizmat qiluvchilarning vazni va ko‘rish qobiliyatiga ham u darajada talablar qo‘yilmaydi.
Xabar berishlaricha, Xitoy Xalq ozodlik armiyasi tarixida birinchi marta xizmat qilish uchun shizofreniya, dissotsiativ buzilish va depressiya kabi kasalliklar to‘siq bo‘lmaydi.
Xitoy armiyasida avval o‘z tanasini turli tatuirovkalar bilan bezagan yoshlar xizmat qila olishmagan bo‘lsa, hozir tibbiy ko‘rik xodimlari bu holga hech qanday e‘tirozlari yo‘q ekanligini bildirishgan. Faqat bu bezaklar diametri tananing ochiq qismida 2 santimetrdan, kiyim ostida esa 10 santimetrdan oshmasligi lozim.
Izoh (0)