Xitoyning Tyananmen maydonidagi terrorchilik harakati uch ishtirokchisi o‘lim jazosiga hukm qilindi

Xitoy sudi Tyananmen maydonidagi terrorchilik harakatining uch nafar ishtirokchisini o‘lim jazosiga mahkum etdi, deya xabar berdi Reuters.

Ta’kidlanishicha, yana bir terrorchi butun umrlik qamoq jazosi olgan. To‘rt nafar qolgan jinoyatchilarning har biri 5 yildan 20 yilgacha ozodlikdan mahrum etilgan.

Nashrning eslatishicha, 2013-yil dekabrida “Sharqiy Turkiston islom harakati” uyg‘ur guruhi aqidaparastlari Pekindagi Tyananmen maydonida sodir bo‘lgan terrorchilik harakatini o‘z bo‘yinlariga olgan edi.

2013-yil 28-oktabrda Tyananmen maydonida “Taqiqlangan shahar” muzey majmuasi qarshisida avtomobil olomon ichiga yorib kirgan va portlab ketgan edi. Natijada besh kishi, jumladan ikki nafar chet ellik sayyoh halok bo‘lgan.