KXDR yetakchisi Kim Chen In 167-harbiy-dengiz floti qismlari qarorgohidagi suvosti kemalari ekipajlarining harbiy shayligini tekshirdi. Bazada Kim Chen Inni Shimoliy Koreya harbiy-dengiz kuchlari qo‘mondoni katta vitse-admiral Kim Myon Sik kutib oldi.
“ITAR-TASS” xabar berishicha, Kim Chen In 748-suvosti kemasining manyovrlarini shaxsan boshqarib bordi va uning ekipajini mohirona xatti-harakatlari uchun maqtab qo‘ydi.
U submarinalar bazasini modernizatsiya qilish va mustahkamlash buyrug‘ini berdi. “Suvosti va suvusti operatsiyalari samarasini oshirish uchun submarinalar ekipajlarini tezkorlik bilan tayyorlash kerak”, — dedi u.
Kim Chen In suvosti dengizchilari maishiy sharoitlarini yaxshilashni buyurdi. Ularga durbin va avtomatlar hadya etdi hamda ular bilan esdalikka suratga tushdi.
Izoh (0)