Germaniyaning Gaffel Koelsch firmasi tomonidan chiqarilgan pivo shishalarining bir partiyasiga Braziliyadagi futbol bo‘yicha jahon chempionati munosabati bilan Eron Islom Respublikasi bayrog‘i tushirildi. Bu Eron siyosatchilari noroziligiga sabab bo‘ldi, deya xabar berdi “RIA Novosti”.
Gaffel Koelsch o‘z pivo idishlariga mundialda ishtirok etadigan barcha jamoalar bayroqlarini muhr etdi. Eron parlamenti deputatlari fikricha, ularning bayrog‘i pivo yorlig‘ida ishlatilgani dindor eronliklar e’tiqodini haqoratlaydi.
“Eron bayrog‘idagi ‘Olloh buyuk’ yozuvi pivo yorlig‘iga tushib qolgani e’tiqodchilarning diniy tuyg‘ularini haqoratlashi mumkin, — dedi deputat Hamid Reseiy. — Ayniqsa, Erondagi musulmon aholiga spirtli ichimlik iste’mol qilish taqiqlanishini hisobga olganda”.
Izoh (0)