Pokiston AQSh uchuvchisiz samolyotlari aviahujumini suverenitetni buzish deb hisobladi

11-iyun, chorshanba kuni Pokistonda Amerikaning uchuvchisiz uchar qurilmalari ishtirokida operatsiya o‘tkazilgani, natijada 16 nafar jangari yo‘q qilingani hukumat noroziligiga sabab bo‘ldi va uni mamlakat suverenitetini buzish deb atadi. Bu haqda “RIA Novosti” xabar berdi.

AQShning uchuvchisiz uchar qurilmasi Pokiston shimoli-g‘arbidagi Shimoliy Vaziriston hududida joylashib olgan jangarilarga ikki marta hujum uyushtirdi, natijada ularning 16 nafari halok bo‘ldi.

Operatsiyadan keyin Pokiston Tashqi ishlar vazirligi qisqa bayonot berib, avahujumlarni “Pokiston suvereniteti va hududiy yaxlitligining buzilishi” deb atadi. “Bundan tashqari, hujumlar hukumatning mamlakatda tinchlik va barqarorlik o‘rnatishga urinishiga salbiy ta’sir qiladi”, — deyiladi xabarda.

Pokiston TIVning aytishicha, mamlakatning bunday operatsiya o‘tkazishni so‘rab AQShga murojaat qilgani “shunchaki mish-mish”.