AQShning George Washington atom aviatashuvchi kemasi boshqa kemalar kuzatuvida Gonkongga kirib keldi. Bu haqda “ITAR-TASS” xabar berdi.
AQSh 7-floti aviatashuvchi hujumchi guruhining kelishi haqida rasman xabar berilmagan. AQSh bosh konsulligida ham eskadraning yetib kelganiga hech qanday izoh berishmagan.
Xitoyning maxsus ma’muriy hududi bo‘lmish Gonkongga Amerika harbiy kemalari vaqti-vaqti bilan “tashrif buyurib turadi”. Ular Pekinning ruxsati bilan texnik xizmat ko‘rsatish va dengizchilarga dam berish maqsadida to‘xtab o‘tadi. Odatda bunday tashrif to‘rt kundan uzoqqa cho‘zilmaydi.
Izoh (0)