Britaniyalik sayohatchi, blogger va fotosuratchi Li Tompson Braziliyaning Rio-de-Janeyro shahridagi Iso haykali boshida dunyoda birinchi bo‘lib selfi oldi. Bu haqda “RIA Novosti” xabar berdi.
Tompson The Flash Pack sayyohlik kompaniyasi asoschisidir. U Braziliyaga o‘zining biznes sherigi Oliver Xarvi bilan futbol bo‘yicha jahon chempionatiga tayyorgarlik ishlari bilan tanishish maqsadida keladi. “Menda dunyoda birinchi (va hozircha yagona) bo‘lib Iso bilan selfi olish imkoniyati tug‘ilganida, undan foydalanib qolishga qaror qildim”, — deb yozdi Tompson o‘z blogida.
1931-yilda qurib bitkazilgan Iso haykalining balandligi 30 metrni tashkil etadi, u o‘rnatilgan supa haykalga yana qo‘shimcha 8 metr balandlik beradi.
Izoh (0)