AQSh maxsus xizmati sobiq xodimi Edvard Snouden Braziliya hukumatiga rasman murojaat qilib, unga vaqtinchalik boshpana berishlarini so‘raganini bildirdi. U bunday so‘rovlarni boshqa qator davlatlarga ham yuborganini ta’kidladi. Bu haqda Agence France-Presse xabar berdi.
Biroq Braziliya tashqi ishlar vazirligi sobiq maxsus xizmat xodimidan bunday murojaat kelib tushmaganini aytishgan.
Globo TV telekanaliga bergan intervyusida Snouden shuningdek, AQSh hukumati uning pasportini bekor qilish qarorini chiqarganiga nisbatan fikr bildirdi. “Bu bilan AQSh hukumati meni rus shpioni qilib ko‘rsatmoqchi”, — dedi u.
Eslatib o‘tamiz, amerikalik bilan bog‘liq mojaro 2013-yil iyunida kelib chiqqan edi. O‘shanda u AQSh maxsus xizmatlari internet va mobil aloqa orqali butun dunyodagi foydalanuvchilarni kuzatib borgani haqidagi maxfiy axborotlarni fosh etgan edi.
2013-yilning 1-avgust kuni esa Rossiya hukumati AQSh maxsus xizmatlarining sobiq xodimi bir yillik muddatga vaqtinchalik boshpana berishga qaror qilgan edi.
Izoh (0)