Amerikalik Mishel Lesko Chikago yaqinida o‘tkazilgan xot-dog yeyish bo‘yicha musobaqada birinchi o‘rinni egalladi. Uning vazni 50 kilogrammni tashkil etadi, deya xabar berdi “ITAR-TASS”.
U o‘n daqiqa ichida 28 ta xod-dogni paqqos tushirishga muvaffaq bo‘ldi. Mishelning asosiy raqibi Erik Buker undan to‘rt barobar og‘ir bo‘lsa-da, bitta xot-dogga orqada qoldi. Musobaqada jami sakkiz kishi qatnashdi.
30 yoshli Mishel hozircha faqat saralash bosqichidan o‘tdi. Musobaqa finali 4-iyul — AQSh Mustaqillik kunida o‘tkaziladi. G‘olibga xantal rangidagi chempionlik belbog‘i bilan birga, bir yilga yetadigan xot-dog zaxirasi va o‘n ming dollar taqdim etiladi.
Izoh (0)