Qozog‘iston prezidenti Nursulton Nazarboyev 26-may kuni Rossiya bilan havo hujumiga qarshi mudofaaning yagona mintaqaviy tizimini yaratish haqidagi bitimni ratifikatsiya qilish to‘g‘risidagi qonunni imzoladi. Bu haqda Qozog‘iston prezidenti sayti xabar berdi.
Havo hujumiga qarshi mudofaa (HHQM)ning yagona hududini tashkil etish haqidagi bitim Moskva va Ostona o‘rtasida 2013-yil yanvarida imzolangan edi. Ushbu hujjatga muvofiq, HHQM yagona tizimi kuchlari qo‘mondoni Rossiya va Qozog‘iston prezidentlari tomonidan tayinlanadi. Bundan tashqari, harbiy navbatchilik va axborot almashinuvi bo‘yicha qoidalar ishlab chiqish rejalashtirilgan.
MDH davlatlari ishtirokida HHQM yagona hududlarini yaratish bilan Rossiya 2007-yildan buyon shug‘ullanadi. 2009-yil fevralida ushbu loyihaga Belorussiya qo‘shilgan. Armaniston, O‘zbekiston va Tojikiston ham yagona HHQMga o‘tishi kutilmoqda.
Izoh (0)