Yevroparlamentga joriy saylovlar natijalari birlashgan Yevropaning avvalgidek bo‘la olmasligidan darak bermoqda. Bu haqda YeI mamlakatlari 28 nafar yetakchilarining Bryusseldagi uchrashuvi arafasida Buyuk Britaniya bosh vaziri Devid Kemeron ma’lum qildi, deya xabar berdi “ITAR-TASS”.
“Saylov natijalari odamlar tashkilot faoliyati tuzilmasida o‘zgarish bo‘lishini kutayotganini isbotladi”, — dedi u.
Ma’lum bo‘lishicha, bosh vazir o‘zining Yevropadagi hamkasblariga qo‘ng‘iroq qilib, ularni 27-may kuni bo‘lib o‘tadigan navbatdan tashqari sammitda Yevroittifoq tuzilmasini o‘zgartirish masalasini ko‘tarishga chaqirgan.
Kemeron bundan avval ham ittifoqning hozirgi ko‘rinishda mavjud bo‘lishda davom etishi “nojoiz” ekanini ta’kidlagan edi. “Yevroparlamentga saylovlarda YeI faoliyatiga shubha bildirganlar bosh vazirni qat’iy xatti-harakatlarga chorlashi kerak, aks holda u o‘z saylovchilarini yo‘qotishda davom etadi”, — deb hisoblaydi mahalliy kuzatuvchilar.
Izoh (0)