Қозоғистон президенти Нурсултон Назарбоев 26 май куни Россия билан ҳаво ҳужумига қарши мудофаанинг ягона минтақавий тизимини яратиш ҳақидаги битимни ратификация қилиш тўғрисидаги қонунни имзолади. Бу ҳақда Қозоғистон президенти сайти хабар берди.
Ҳаво ҳужумига қарши мудофаа (ҲҲҚМ)нинг ягона ҳудудини ташкил этиш ҳақидаги битим Москва ва Остона ўртасида 2013 йил январида имзоланган эди. Ушбу ҳужжатга мувофиқ, ҲҲҚМ ягона тизими кучлари қўмондони Россия ва Қозоғистон президентлари томонидан тайинланади. Бундан ташқари, ҳарбий навбатчилик ва ахборот алмашинуви бўйича қоидалар ишлаб чиқиш режалаштирилган.
МДҲ давлатлари иштирокида ҲҲҚМ ягона ҳудудларини яратиш билан Россия 2007 йилдан буён шуғулланади. 2009 йил февралида ушбу лойиҳага Белоруссия қўшилган. Арманистон, Ўзбекистон ва Тожикистон ҳам ягона ҲҲҚМга ўтиши кутилмоқда.
Изоҳ (0)