Latviya Respublikasi Preizdenti Andris Berzinshning O‘zbekistonga rasmiy tashrifi doirasida Samarqand shahar hokimiyati va Yurmala shahri dumasi o‘rtasida hamkorlik to‘g‘risida bitim imzolanishi rejalashtirilmoqda. Bu haqda “Jahon” AA xabar berdi.
“Ushbu bitim imzolanishi ikki tomonlama aloqalarni rivojlantirish uchun muhim asos bo‘ladi, — dedi Yurmala shahri taraqqiyoti bo‘yicha department boshlig‘i Edgars Stobovs. — Shuningdek, 2006-yilda boshlangan iqtisodiyot, ta’lim, sog‘liqni saqlash va madaniyat sohalari bo‘yicha hamkorlik ham davom etadi”.
Stobovsning fikricha, Yurmala va Samarqand boy tarixiy va madaniy merosga ega ikki shahardir. “Bu nafaqat bir-birimizni yaxshi tushunishga, balki davlatlarimiz va xalqlarimiz o‘rtasidagi munosabatlarni rivojlantirishga kata turtki beradi”, — dedi u.
Izoh (0)