O‘zbekistonda fanga noma’lum bo‘lgan 20 ta o‘simlik turi aniqlandi

O‘zbekiston o‘simlik dunyosini ro‘yxatga olish davomida fanga noma’lum bo‘lgan 20 ta o‘simlik aniqlandi. Bu haqda Sreda.uz xabar berdi.

Ushbu o‘simliklar O‘simlik va hayvonot dunyosi genofondi instituti olimlari tomonidan “O‘zbekiston o‘simlik xilma-xilligi ma’lumotlar bazasini yaratish” loyihasi doirasida aniqlandi.

Ma’lumotlar bazasiga hozirgacha 2150 ta turlar kiritilgan, bu O‘zbekiston florasi turlarining deyarli yarmidir.

“Tadqiqot chog‘ida O‘zbekiston uchun yangi bo‘lgan 116 ta tur, fan uchun yangi bo‘lgan 20 ta tur kashf qilindi”, - deyiladi xabarda.

Nashrning eslatishicha, bundan avvalgi “O‘zbekiston florasi” ishi 1963-yilda tayyorlangan bo‘lib, u 3663 ta yovvoyi, 485 ta madaniy va adventiv (chetdan keltirilgan) o‘simliklarni o‘z ichiga olgan.