Kelayotgan yozda O‘zbekistonda noodatiy jazirama kutilishi haqidagi gap-so‘zlar rad etildi

“Bu yil yoz faslining odatdan tashqari darajada issiq bo‘lishi haqidagi gap-so‘zlarni jiddiy qabul qilmang. Bunday uzoq muddat vaqt uchun ob-havoni prognoz qilib bo‘lmaydi”, – dedi O‘zbekiston Gidrometeorologiya markazi bosh sinoptigi Irina Zayseva Anhor.uz'ga bergan intervyusida.

Sinoptikning ta’kidlashicha, yaqin 3–4 oyda bizni qanday ob-havo kutayotganini taxminiy aytish mumkin xolos. “Taxminlar hamisha ham to‘g‘ri chiqmaydi”, – dedi u.

“Bu yil yozda ham jazirama davrlar bo‘lishi tabiiy – bu har yili bo‘ladigan hodisa”, – deya ta’kidladi Irina Zayseva. Shuningdek u ochiq havoga o‘rnatilgan termometrlarga ishonmaslikni, ular qizib ketgan datchiklardagi haroratni ko‘rsatishini aytdi. Ma’lum bo‘lishicha, Toshkentda qayd etilgan eng yuqori harorat – 44,6 daraja.