Латвия Республикаси Преизденти Андрис Берзиньшнинг Ўзбекистонга расмий ташрифи доирасида Самарқанд шаҳар ҳокимияти ва Юрмала шаҳри думаси ўртасида ҳамкорлик тўғрисида битим имзоланиши режалаштирилмоқда. Бу ҳақда «Жаҳон» АА хабар берди.
«Ушбу битим имзоланиши икки томонлама алоқаларни ривожлантириш учун муҳим асос бўлади, — деди Юрмала шаҳри тараққиёти бўйича департмент бошлиғи Эдгарс Стобовс. — Шунингдек, 2006 йилда бошланган иқтисодиёт, таълим, соғлиқни сақлаш ва маданият соҳалари бўйича ҳамкорлик ҳам давом этади».
Стобовснинг фикрича, Юрмала ва Самарқанд бой тарихий ва маданий меросга эга икки шаҳардир. «Бу нафақат бир-биримизни яхши тушунишга, балки давлатларимиз ва халқларимиз ўртасидаги муносабатларни ривожлантиришга ката туртки беради», — деди у.
Изоҳ (0)