Toshkentdagi Inha universitetiga kirish uchun onlayn ro‘yxatdan o‘tish jarayonida IELTS sertifikatiga ega bo‘lmagan abituriyentlar uchun qo‘shimcha imkoniyat taqdim etildi. Bu haqda Infocom.uz xabar berdi.
IELTS sertifikatining asl nusxasiga ega bo‘lgan abituriyentlar onlayn ro‘yxatdan o‘tish chog‘ida o‘z ballarini ko‘rsatishi va 2014-yilning 5-iyuligacha qabul komissiyasiga IELTS sertifikati nusxalarini taqdim etishi kerak.
Sertifikati bo‘lmagani tufayli 5-iyulgacha uni taqdim eta olmagan biroq 26-iyulgacha sertifikat olishi aniq bo‘lgan abituriyentlarga kamida 5 balli IELTS sertifikati asl nusxasini suhbat kunida topshirish sharti bilan qo‘shimcha muddat belgilanadi.
Bunday abituriyentlar onlayn ro‘yxatdan o‘tish jarayonida IELTS bo‘yicha to‘plangan ball ko‘rsatiladigan jadvalni ochiq qoldirishlari kerak.
27-iyulgacha IELTS sertifikatini taqdim eta olmagan abituriyentlar suhbatga kiritilmaydi va universitetga qabuldan chetlatiladi.
Izoh (0)