Gvatemalaning sobiq prezidenti Alfonso Portilyo Tayvandan pora olgani va Amerika banklari orqali pul o‘marganini tan olgach, AQShda besh yil-u o‘n oylik qamoq jazosiga hukm qilindi. Bu haqda Reuters xabar berdi.
Dastlab AQSh hukumati Portilyoni o‘n millionlab dollarni o‘marib, Gvatemala hukumati hisobiga o‘zlashtirganlikda ayblagan. 2,5 million dollarni Tayvanning Gvatemaladagi elchixonasidan undirgan. Portilyoning iqror bo‘lishicha, u Gvatemala Tayvanni diplomatik tan olishdan bosh tortmasligi uchun pora sifatida berilgan.
Sobiq prezident advokatlari muddatning qisqartirilishi va jazo joyining AQShdan Gvatemalaga ko‘chirilishiga erishmoqchi.
Izoh (0)