Xitoyda jinoiy guruh rahbari bo‘lgan milliarder Lyu Xan va uning ukasi Lyu Vey o‘lim jazosiga hukm qilindi. Ular 1993-yildan buyon amalga oshirilgan qator jinoyatlarda aybdor deb topildi. Bu haqda “ITAR-TASS” xabar berdi.
Bunday qarorni Markaziy Xitoyning Xubey provinsiyasi Syannin shahri sudi chiqardi. Jinoiy guruhning yana 34 a’zosi turli muddatdagi qamoq jazolariga hukm qilindi.
Hibsga olinguniga qadar Lyu Xan Sichuan provinsiyasidagi eng yirik xomashyo qazib chiqaruvchi korxonalardan birining boshqaruv raisi bo‘lib ishlagan. Xitoyning Forbes’ga o‘xshash “Xujun” jurnali ma’lumotlari bo‘yicha, ayblanuvchi 2012-yilda Xitoyning eng boy fuqarolari ro‘yxatining 230-pog‘onasini egallagan.
Izoh (0)