Kuni kecha ijtimoiy tarmoqlarda samarqandlik blogerning yo‘l o‘rtasidagi ko‘lmakda cho‘milgan videosi tarqalib, muhokamalarga sabab bo‘lgandi.
Samarqand IIBning xabar berishicha, 25-mart kuni 1992-yilda tug‘ilgan U.D. Urgut tumani ko‘chalarida mavjud bo‘lgan chuqur (“yama”)lar haqida fikrlari aks etuvchi 44 soniyadan iborat videoni yalang‘och holatda joylagani yuzasidan sud jarayoni bo‘lib o‘tgan.
Sud hukmi bilan erkak Ma’muriy javobgarlik to‘g‘risidagi kodeksning 183-moddasi bilan aybli deb topildi va unga nisbatan 10 sutka ma’muriy qamoq jazosi qo‘llanilgan.
Shuningdek, u qilmishidan pushaymon ekanini bildirib, barchadan uzr so‘radi.
Metan zapravkada gaz yo‘qligidan shikoyat qilgan G‘ayrat Do‘stov “ishi”
2024-yilning dekabr oyi yakunida ijtimoiy tarmoqlarda metan zapravkada navbat kutib yotganini aytib, navbati yetgach gaz tugaganidan norozi bo‘lib, energetika sohasidagi masʼullarni tanqid qilgan G‘ayrat Do‘stovning videomurojaati tarqaldi. Jinoyat ishlari bo‘yicha Bektemir tuman sudi raisi Durdona Dadaxonova mazkur ishni ko‘rib chiqib, G‘ayrat Do‘stovni Maʼmuriy javobgarlik to‘g‘risidagi kodeksning 183-moddasi (mayda bezorilik) bilan aybdor deb topib, unga 15 sutka maʼmuriy qamoq jazosini tayinlagan.
Garchi birinchi instansiya sudi tomonidan 15 sutkaga qamalgan kirakashning hibs muddati 8 sutkaga qisqartirilgan va u sud zalidan ozod qilingan bo‘lsa-da, apellyatsiya sudida aniqlangan qator qonun buzilishi holatlariga huquqiy baho berilmadi.
Izoh (0)