“Liverpul” himoyachisi Virjil van Deyk UEFA Chempionlar ligasi 1/8 final javob uchrashuvidan keyin “PSJ” rahbariyati bilan uchrashib, avvalgi fikri uchun uzr so‘radi.
RMC Sport’ning xabariga ko‘ra, niderlandiyalik futbolchi Parij klubining sport masalalari bo‘yicha maslahatchisi Luish Kampush va prezident Nosir Al-Xelayfi bilan suhbatlashgan.
Van Deyk o‘tgan haftada Parijda bo‘lib o‘tgan birinchi uchrashuv paytida Ibrohim Konatega qizil kartochka ko‘rsatilmagani borasida tortishuv yuzaga kelganini eslatib, o‘zining “Bro, bu Liga 1 emas” degan so‘zlari uchun kechirim so‘ragan.
Bundan tashqari, van Deyk “PSJ” jamoasini so‘nggi uch yil ichida o‘zi to‘qnash kelgan eng kuchli raqib deb atagan. Parij klubi rahbariyati futbolchining bu harakatini yuqori baholagan.
Ma’lumot uchun, Angliyada kechgan “Liverpul” - “PSJ” jamoalari o‘rtasidagi javob bahsida parijliklar penaltilar seriyasida 4:1 hisobida g‘alaba qozonib, chorak final yo‘llanmasiga ega chiqdi. Ushbu bosqichda “PSJ”ga Angliyaning boshqa bir jamoasi — “Aston Villa” raqiblik qiladi.
Izoh (0)