Avvalroq Sirdaryodagi maktabda o‘quvchining onasi o‘qituvchini urgani haqida xabar berilgandi. Holat bo‘yicha Maktabgacha va maktab taʼlimi vazirligi qo‘shimcha maʼlumot berdi.
Taʼkidlanishicha, holat MMTB va tegishli huquqni muhofaza qiluvchi organlar tomonidan atroflicha o‘rganib chiqildi va tegishli chora ko‘rildi.
Shuningdek, o‘qituvchini urgan o‘quvchining onasi ham uzr so‘radi.
“Jahlim chiqqanda bilmay qoldim. Barchadan uzr so‘rayman”, deydi u.
Maktabgacha va maktab taʼlimi vazirligi bunday holatlarni keskin qoralashi va doimo murosasiz munosabatda bo‘lishini qo‘shimcha qilgan.
Maktabda o‘qituvchilarning kaltaklanishi
2024-yilning oktyabrida Sirdaryo tumanidagi 2-maktabda ikki o‘quvchi qiz o‘qituvchini urgandi. O‘sha yilning aprelida Farg‘onada maktab o‘qituvchisi o‘quvchining qarindoshlari tomonidan kaltaklangandi. 2023-yilning mayida Farg‘ona viloyati Toshloq tumanidagi maktabning boshlang‘ich sinf o‘qituvchisi o‘quvchisining onasi tomonidan kaltaklangandi.
Izoh (1)
Uzr so'rash bilan qutuladigan bo'lsa hamma urib urib kechirim so'rab ketaveradigan bo'lsa o'qituvchining qadr qimmati qayerda qoladi. Qonun doirasida jazoning eng og'rini berish kerak.
Eng avval ota-onalarni tarbiyalash kerak hozir.