Ўзбекистонлик гроссмейстер Нодирбек Якуббоев Prague International Chess Festival халқаро турнирида ғалаба қозонди. Бу ҳақида Ўзбекистон шахмат федерацияси матубот хизмати хабар берди.
Прага шаҳрида шахмат бўйича анъанавий “Prague International Chess Festival”” халқаро турнирининг “Челленгерс” гуруҳида иштирок этаётган шахматчи Нодирбек Якуббоев рақиби Жонас Бжерре устидан ғалаба қозонди ва чемпионликни қўлга киритди. У турнир давомида бирор маротаба мағлубиятга учрамаган ҳолда, 9 турдан кейин 7 очко тўплади.
Шунингдек, Нодирбек чемпионлик билан бирга 2026 йилда ўтказиладиган ушбу турнирнинг “Masters” гуруҳига йўлланмани ҳам қўлга киритди.
Эслатиб ўтамиз, яқинда Жаҳон шахмат федерацияси февраль ойи якунлангач, ўз рейтингини янгилади. Ушбу янгиланган жаҳон рейтингида Нодирбек Якуббоев 2654 билан 71-ўринда қайд этилди.
Изоҳ (0)