Рейтингда Нодирбек Абдусатторов (2766) 6-ўринда қайд этилди. У аввалги ойда ҳам шу ўринда қайд этилган эди. Бу ойда унинг рейтинг очколари 2 очкога (аввалги ойда 2768) камайган.
Бундан ташқари, Жавоҳир Синдоров 31-ўринга кўтарилди. У аввалги ойда 37-ўринда эди. Синдоров рейтинг очколарини 2700 га етказди. Энг кучли шахматчилар рейтингида Рустам Қосимжонов (2681) ҳам ўрин олган. Тажрибали шахматчи 46-ўринда жойлашган. 2670 рейтинг очкосига эга шахматчи Шамсиддин Воҳидов 52-ўриндан жой олди. Аввалги ойда 67-ўринда қайд этилган Нодирбек Якуббоев (2659) бу ойда 66-ўринга тушиб кетди.
Бир неча ой ёшлар ўртасидаги рейтингда етакчилик қилган Нодирбек Абдусатторов бу йил 21 ёшга тўлиши муносабати билан ушбу рейтингдан чиқарилган эди. Кучли учликдан ўзбекистонлик Жавоҳир Синдоров олган. Яна бир ўзбекистонлик шахматчи Мухриддин Мадаминов 32-ўринда жойлашган. Муҳаммадзохид Суяров эса 68-ўринни эгаллаган.
Кеча, 2 февраль куни Нидерландиянинг Вейк-ан-Зее шаҳри мезбонлик қилган шахмат бўйича анъанавий Tata Steel Chess—2025 мусобақаси якунланди. Унда Нодирбек Абдусатторов 3-ўринни эгаллади. Чалленгер турнирида қатнашган Якуббоев 4-ўринда қайд этилди.
Маълумот учун, Нью-Ёркда рапид ва блиц бўйича Жаҳон чемпионати ўтказилди. Рапид йўналишида 18 ёшли Володар Мурзин (2588) энг тажрибали рақибларини ортда қолдириб, жаҳон чемпионига айланди. Жавоҳир Синдоров 6-ўринни эгаллади. Нодирбек Абдусатторов кучли 30 ликдан ўрин олди.
Блиц бўйича мусобақада ўзбекистонлик спортчилар плей-офф чиқа олмай мусобақани эрта якунлаганди.
Изоҳ (0)