Венгрия пойтахти Будапешт шаҳри 10—23 сентябрь кунлари Бутунжаҳон шахмат Олимпиадасига мезбонлик қилади. 45-маротаба ташкил этилаётган Олимпиадада 3500 нафарга яқин шахматчи иштирок этади. Улар орасида амалдаги Олимпиада чемпиони Ўзбекистон терма жамоаси ҳам бор.
-v92LrJGN.jpg)
Чемпионлик ҳимояси учун терма жамоа мураббийлар штаби Будапештга борадиган таркибни эълон қилди. Икки йил аввал Ҳиндистоннинг Ченнай шаҳрида ғолибликни қўлга киритган кучли бешлик таркиби ўзгаришсиз қолди.
Ўзбекистон терма жамоаси таркиби:
- GM Нодирбек Абдусатторов (2769);
- GM Жавоҳир Синдоров (2674);
- GM Нодирбек Якуббоев (2648);
- GM Шамсиддин Воҳидов (2643);
- GM Жаҳонгир Воҳидов (2571).
Жамоанинг ўртача рейтинги 2684 ни ташкил этади. Бу эса рўйхатдаги 3 та давлатдан кейинги энг юқори натижа ҳисобланади. Бундан аввалги Олимпиадада терма жамоамизнинг ўртача рейтинги 2625 ни ташкил қилган.
Маълумот учун, Ченнайда Ўзбекистон терма жамоаси 19 очко билан қўшимча кўрсаткичларга кўра Арманистон терма жамоасини ортда қолдирди ва тарихда илк бор Олимпиада чемпионига айланганди. Ҳиндистон-2 жамоаси учинчи ўринни қўлга киритди.
Изоҳ (0)