Тошкентда мукофот жамғармаси 75 000 АҚШ долларини ташкил этувчи Президент Кубоги мусобақаси старт олди. Мусобақада Иштирокчилар FIDE рейтингидаги ўринларига қараб А ва B гуруҳларида дона сурмоқда.
Тажрибали шахматчилар жамланган А гуруҳида Ўзбекистон шарафини Нодирбек Абдусатторов, Нодирбек Якуббоев, Шамсиддин Воҳидов ва Жавоҳир Синдоров ҳимоя қилмоқда.
Биринчи рақамда сараланган Нодирбек Абдусатторов кеча, 21 ноябрь куни ўтказилган биринчи тур учрашувида ҳиндистонлик Самбит Пандани қийинчиликсиз мағлубиятга учратди.
-Ox-nkbt5.jpg)
-qntXrq6J.jpg)
Нодирбек Якуббоев қора доналарда ҳаракат қилганига қарамай, қирғизистонлик Мелис Маматовни таслим этди. Жавоҳир Синдоров россиялик Екатерина Голсевани мағлубиятга учратди. Шамсиддин Воҳидов ҳиндистонлик Ваз Этан билан дуранг ўйнади.
-3_BDeZIN.jpg)
Бугун, 22 ноябрь куни иккинчи тур учрашувлари ўтказилади. 9 тур давом этиши режалаштирилган мусобақанинг ғолиблари 30 ноябрь куни аниқланади.
Изоҳ (0)