Ўзбекистонда илк бор мукофот жамғармаси 166 минг АҚШ долларини ташкил этадиган “Uzchess Cup” турнири бошланди. Ушбу мусобақада FIDE рейтингида 2700 дан юқори рейтингга эга Нодирбек Абдусатторов, Ричард Раппорт, Магҳсоодлоо Парҳам, Видит Гужратҳи, Мамедяров Шакҳриёр каби дунёга машҳур шахматчилар дона сурмоқда.
Турнир учта гуруҳда:
- “Masters” гуруҳи FIDE рейтинги 2700 ва ундан юқори бўлган шахматчилар;
- “Challengers” гуруҳи FIDE рейтинги 2600 ва ундан юқори бўлган шахматчилар;
- “Futures” гуруҳи FIDE рейтинги 2500 ва ундан юқори бўлган шахматчилар ўртасида ўтказилади.
6 июнь куни мусобақанинг биринчи тур учрашувлари бўлиб ўтди. “Masters” гуруҳида Ўзбекистондан уч нафар шахматчи қатнашмоқда. Магссоодлоо Парҳамга қарши оқ доналарда ўйнаган дунёнинг бешинчи рақамли шахматчиси Нодирбек Абдусатторов қийинчиликсиз рақибини мағлуб этди.
Бу икки шахматчилар ўртасидаги сўнгги уч учрашувда ўзбекистонлик шахматчи устун келмоқда.
Учрашувдан сўнг Нодирбек Абдусатторов Парҳам ҳақида фикр билдирди.
“Парҳам билан бир неча йил олдин, кетма кет оқ доналар билан ўйнаб ҳам мағлуб бўлгандим. Унинг стилини ўргандим ва ҳозирда у мен учун қулай рақибга айланди”
“Masters” гуруҳида қатнашаётган Нодирбек Якуббоев ҳамда Жавоҳир Синдоров дуранг ўйнади. Жавоҳир Ю Янгйи билан муроса йўлини танлаган бўлса, Нодирбек тажрибали Ричард Раппортга мағлуб бўлмади.
“Challengers” турнирида қатнашаётган Ўзбекистон терма жамоаси сардори Жаҳонгир Воҳидов ғалаба қозонди. Шамсиддин Воҳидов дуранг билан кифояланди.
“Futures” гуруҳида қатнашаётган барча ўзбекистонлик шахматчилар дуранг қайд этди.
Биринчи турдан сўнг “Masters” гуруҳида Нодирбек Абдусатторов ҳамда Сарана Алексей 1 очко билан етакчилик қилмоқда.
-e4m83vcn.jpg)
“Challengers” гуруҳида Жаҳонгир Воҳидовдан ташқари Абҳижеет Гупта ва Александар Инджич ҳам ғалабага эришиб бир очко тўплади. “Futures” гуруҳида фақатгина эронлик Бардия Данешварда ғалаба бор.
Бугун, 7 июнь куни мусобақанинг иккинчи тур учрашувлари бўлиб ўтади.
Изоҳ (0)