Тошкент вилоятининг Қибрай ҳамда Хоразм вилоятининг Урганч шаҳрида 513 млн сўмлик табиий газдан ноқонуний фойдаланилди. Бу ҳақда “Ҳудудгазтаъминот” АЖ матбуот хизмати хабар берди.
Маълум қилинишича, Қибрай тумани, “Обод” МФЙда истиқомат қилувчи фуқаро Т. Х. хонадонида иссиқхона ташкил қилиб, лойиҳа-техник ҳужжатлари расмийлаштирмасдан, газ ҳисоблагичдан ташқари табиий газ қувурига ўзбошимчалик билан уланган.
Ҳолат юзасидан далолатнома тузилиб, сарфланган табиий газ ҳажми қайта ҳисоб-китоб қилинди ва 288,6 млн сўмлик зарар аниқланди.
Шунингдек, Урганч шаҳрида жойлашган “С.” МЧЖга тегишли умумий овқатланиш масканида газ тармоғига электрон газ ҳисоблаш ускунаси ўрнатилган бўлса ҳам, корхона газ таъминоти ташкилоти билан шартнома расмийлаштирмасдан, лойиҳа-техник ҳужжатларисиз газ тармоғига ноқонуний уланган.
Ҳолат юзасидан далолатнома тузилиб, сарфланган табиий газ ҳажми қонунчиликда белгиланган тартибда қайта ҳисоб-китоб қилинди. Истеъмолчи томонидан 225,14 млн сўмлик зарар етказилгани маълум бўлди.
Ҳолатлар юзасидан тегишли ҳужжатлар ҳуқуқни муҳофаза қилувчи органларга топширилади.
Энергия ресурсларидан ноқонуний фойдаланиш ҳолатлари ортиб бормоқда
Ўзбекистоннинг турли ҳудудларида энергия ресурсларидан ноқонуний фойдаланиш ҳолатлари аниқланмоқда. Ушбу ҳолатларнинг аксариятида миқдор млрд сўмдан ортиқ. Хусусан, Сирдарёда 683 млн сўмлик “свет”дан ноқонуний фойдаланган шахс ушланган эди.
Шунингдек, Сирдарёдаги маиший хизмат кўрсатиш шохобчасида 325 млн сўмлик “свет”дан ноқонуний фойдаланилгани аниқланганди. Шу билан бирга, Қорақалпоғистон Республикаси ва Тошкентда жами 2 млрд сўмлик “свет”дан ноқонуний фойдаланилгани ҳақида хабар берилган эди.
Бундан ташқари, Ангрендаги метан заправкада 1,1 млрд сўмлик электр энергиясидан ноқонуний фойдаланилгани аниқланган.
Газни ўғирлаётган иссиқхоналар
Изоҳ (0)