Истанбулда қўлбола алкоголдан заҳарланиб вафот этган ўзбекистонликлар сони 30 январь ҳолатига кўра 23 нафарга етди. Уларнинг икки нафари аёл киши.
Бош консулхона матбуот хизмати хабар беришича, вафот этган барча фуқароларнинг жасадларини Ўзбекистонга олиб кетиш бўйича Ташқи ишлар вазирлиги ва Миграция агентлиги томонидан тегишли консуллик, ҳуқуқий ва ташкилий ёрдам кўрсатилди.
Шунингдек, баъзи ватандошлар даволаниш курсини якунлаб, шифохонадан чиққан, айримлари эса тиббий муолажаларни давом эттирмоқда.
17 январь куни Истанбулда қўлбола алкоголдан вафот этган ўзбекистонликлар сони 17 нафарга етгани маълум қилинганди.
Бош консулхона ҳар қандай ҳолатда ҳам заҳарланиш аломатлари сезилганда 112 қисқа рақами орқали тез тиббий ёрдам чақиртирилиши ҳамда шифохонанинг “қизил ҳудуди” (“kırmızı аlan”) орқали қабул қилиниши лозимлигини, бу хизмат бепул эканлигини эслатиб ўтганди.
Изоҳ (0)