Самарқанд вилоят Нарпай туманида ноқонуний равишда спиртли ичимликлар ишлаб чиқариш цехини ташкил қилганлар ушланди, деб хабар бермоқда вилоят Ички ишлар бошқармаси.
Қайд этилишича, Нарпай туманида яшовчи У.И. яқин қариндошлари ва танишларидан иборат жиноий гуруҳ тузиб, ноқонуний равишда қўлбола спиртли ичимликлар маҳсулотларини тайёрлаш, қадоқлашга мўлжалланган яширин цех ташкил қилган.
Яширин цехда 36 хил турдаги 1068 дона шиша идишларга қадоқланган тайёр ароқ ҳамда 70 литр қадоқланмаган алкоголь маҳсулоти ва 687 та акциз маркаси аниқланиб, тегишли тартибда процессуал ҳужжатлаштирилган.
У ерда тайёрланган маҳсулотлар вилоятнинг Нарпай, Пахтачи туманлари ҳамда Навоий вилоятидаги дўкон ва ошхоналарга сотиб келинган.
Ҳолат юзасидан терговга қадар текширув ҳаракатлари олиб борилмоқда.
Аввалроқ Самарқандда қўлбола усулда алкоголь маҳсулотлари тайёрловчи цех борлиги аниқлангани, Тошкентда қалбаки «Роллтон» ишлаб чиқарувчи яширин корхона топилгани, Зангиотада таниқли компаниянинг кир ювиш кукунларини қўлбола усулда тайёрлаб сотаётган шахс ушлангани хабар қилинган.
- Бухорода инсон саломатлиги учун хавфли ёғ маҳсулоти ишлаб чиқариш билан шуғулланган яширин корхона аниқланди
- Қорақалпоғистонда қўлбола усулда «Қаратау» спиртли ичимлиги ишлаб чиқарадиган яширин корхоналар фаолиятига чек қўйилди
- Булунғурда ноқонуний фаолият юритаётган спиртли ичимлик цехи борлиги маълум бўлди
Изоҳ (0)