Самарқанд ва Қашқадарёда истеъмолга яроқсиз алкоголь маҳсулотларини муомалага киритилишининг олди олинди.
Бош прокуратура ҳузуридаги департаментнинг Самарқанд туман бўлими томонидан ўтказилган тезкор тадбирда “М.” МЧЖ раҳбари И.О. савдо дўконида ҳеч қандай ҳужжатсиз 82 турдаги умумий баҳоси 169 миллион сўмлик жами 8 854 дона истеъмолга яроқсиз алкоголь ва 626 қути тамаки маҳсулотини сотувга қўйгани аниқланиб, ушбу маҳсулотлар ашёвий далил сифатида олинган.
Шу каби департаментнинг Қашқадарё вилояти Косон туман бўлими томонидан ИИБ ходимлари билан ҳамкорликда ўтказилган тезкор тадбирда “Янгиобод” МФЙдаги хонадонда яшовчи Б.Т. (муқаддам уч маротаба судлаган) уйининг ёрдамчи хўжалигида қўлбола усулда алкоголь маҳсулотларини ишлаб чиқарувчи яширин цех ташкил этгани аниқланган.
Ушбу цехдан 3 000 дона қалбаки акциз марка, 1 000 дона “Русская водка” номли ёрлиқ, 1 100 дона шиша идиш, 30 литр спирт ва бошқа товар моддий бойликлари ашёвий далил сифатида олинган.
Мазкур ҳолатлар юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) ва 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда ишлаб чиқариш ёки муомалага киритиш) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)