Сурхондарё вилояти Термиз шаҳрида биологик фаол қўшимча маҳсулотларнинг нусхасини ишлаб чиқариб сотаётган яширин цех аниқланди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Бош прокуратура ҳузуридаги департаментнинг Термиз шаҳар бўлими томонидан тадбиркорлик субъектларининг ҳуқуқларини ҳимоя қилиш юзасидан тезкор тадбир ўтказилган. Унда фуқаро С.М. ўзининг яшаш хонадонида яширин цех ташкил этиб, харидор Ж.га 86 дона «Ал-Ҳадая» (150 минг сўмдан) ва 100 дона «Андрогард» (250 минг сўмдан) номли маҳсулотларнинг нусхаларини фирибгарлик йўли билан 40 миллион сўмга сотган вақтида ушланган. Унинг «Каттабоғ» маҳалласи ҳудудидаги хонадони кўздан кечирилганда у ердан 152 турдаги ҳар хил ёғ маҳсулотлари, бўш идишлар, ҳар хил ёрлиқларни (этикетка) ишлаб чиқаришда фойдаланилган ноутбук ва рангли принтер ашёвий далил сифатида олинган.
Ҳолат юзасидан 168-моддаси (фирибгарлик), 186-моддаси (хавфсизлик талабларига жавоб бермайдиган товарларни ўтказиш мақсадини кўзлаб ишлаб чиқариш) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилган. Ҳозирда тергов ҳаракатлари ўтказилмоқда.
Аввалроқ Самарқандда қўлбола усулда алкоголь маҳсулотлари тайёрловчи цех борлиги аниқлангани, Тошкентда қалбаки «Роллтон» ишлаб чиқарувчи яширин корхона топилгани, Зангиотада таниқли компаниянинг кир ювиш кукунларини қўлбола усулда тайёрлаб сотаётган шахс ушлангани хабар қилинган.
- Бухорода инсон саломатлиги учун хавфли ёғ маҳсулоти ишлаб чиқариш билан шуғулланган яширин корхона аниқланди
- Қорақалпоғистонда қўлбола усулда «Қаратау» спиртли ичимлиги ишлаб чиқарадиган яширин корхоналар фаолиятига чек қўйилди
- Булунғурда ноқонуний фаолият юритаётган спиртли ичимлик цехи борлиги маълум бўлди
Изоҳ (0)