Жиноят ишлари бўйича Сергели тумани суди томонидан 6 ёшли бола ўлимига сабаб бўлган қудуқни очиқ қолдирган масъулга суд ҳукми ўқилди.
Фото: “Тошкент шаҳар сув таъминоти” МЧЖ матбуот хизмати
Аниқланишича, “Коммуналчи иссиқлик қувваттаъмир” МЧЖнинг ташқи трубаларни таъмирлаш монтажчиси вазифасида ишлаган У.А. темир цех майдонидаги ер остидан ўтган иссиқлик трубалари жойлашган қувурда унинг устки темир-бетон қопламасини олиб ташлаган ҳолда таъмирлаш ишларини амалга ошириб, бажарилаётган ишларни якунига етказмасдан очиқ ҳолатда атрофига панжаралар ўрнатмасдан қолдирган.
Натижада 2024 йил 9 июль куни вояга етмаган, 2018 йилда туғилган А.А. очиқ қолдирилган қувур ичига тушиб кетиб, юқори нафас йўлларининг суюқлик билан беркилиши оқибатида иссиқ суюқликдан 100 фоиз тана юзаси куйиши оқибатида вафот этган.
Суд ҳукми билан айбланувчи Жиноят кодексининг 258-моддаси (тоғ-кон, қурилиш ёки портлатиш ишлари хавфсизлиги қоидаларини бузиш) 2-қисми “а” банди билан айбли деб топилиб, унга нисбатан бир муддатга мансабдорлик ва моддий жавобгарлик лавозимларида ишлаш ҳуқуқидан маҳрум қилиш ҳамда иш ҳақининг 15 фоизи миқдорида давлат даромади ҳисобига ушлаб қолган ҳолда 2 йил 6 ой муддатга ахлоқ тузатиш ишлари жазоси тайинланган.
Изоҳ (0)