Россия президенти Владимир Путин 15 май куни Истанбулда Украина билан тўғридан тўғри музокараларни бошлашни таклиф қилганди. Украина президенти Владимир Зеленский мазкур музокараларда Путинни шахсан кутишини айтди.
Путин бўлажак музокараларда янги ва ҳақиқий ўт очишни тўхтатиш бўйича келишувга эришиш эҳтимоли борлигини билдирганди. Агар Россия 12 майдан ўт очишни тўхтатишни тасдиқласа, Киев музокараларга тайёр.
Биз эртага тўлиқ ва узоқ муддатли ўт очишни тўхтатишни кутмоқдамиз, бу дипломатияга зарур асос бўлади. Қотилликни чўзишдан маъно йўқ. Владимир Путинни пайшанба куни (15 май) Туркияда кутаман. Шахсан. Умид қиламанки, россияликлар бу сафар баҳона изламайди, деб ёзди Украина президенти.
Мазкур баёнотдан олдин АҚШ президенти Дональд Трамп украиналик ҳамкасбини тўғридан-тўғри музокараларга рози бўлишга чақирганди.
Улар ҳеч бўлмаганда келишув имкониятини аниқлай олади. Агар бу имконсиз бўлса, Европа раҳбарлари ва АҚШ вазиятдан хабардор бўлиб, тегишли чоралар кўради!...Мен Украинанинг Путин билан келишувга боришига шубҳа қила бошладим. Путин эса Америка Қўшма Штатлари ёрдамисиз ҳеч қачон ғалаба қозониши мумкин бўлмаган Иккинчи жаҳон урушидаги ғалабани нишонлаш билан овора. УCHRАШИНГ, ҲОЗИРОҚ!, деб ёзган Трамп.
Туркия президенти Ражаб Тоййиб Эрдўғон 11 май куни Россия президенти билан мулоқотда музокараларни ташкиллаштиришни қўллаб-қувватлаганди.
Изоҳ (0)