АҚШ ҳукумати ва Европа Иттифоқи элитаси Ғарб қурол ишлаб чиқарувчилари даромадини таъминлаш мақсадида Украина ва Россия ўртасида тинчлик битими имзоланишига тўсқинлик қилди. Бу ҳақда Венесуэла президенти Николас Мадурога таяниб “РИА Новости” хабар берди.
Дастлабки келишув имзоланишга тайёр эди. АҚШ ҳукумати ва Европа Иттифоқи элитасининг нияти имзо қўймаслик бўлди. Улар қурол компанияларига катта фойда келтирадиган уруш билан кун кўрмоқда, — дейди Мадуро.
Жорий йилнинг февраль ойида америкалик журналист Такер Карлсонга берган интервьюсида Россия президенти Владимир Путин Украина билан 2022 йилда музокаралар деярли якунланганини, аммо рус қўшинлари Киевдан олиб чиқиб кетилгандан сўнг Украина келишувларни бажармаганини айтган. Путин Ғарб Украина можаросини тинч йўл билан ҳал қилишни хоҳласа, Россия мулоқотга тайёрлигини таъкидлаган.
Кремль таъкидлаганидек, агар де-факто вазият ва янги воқеликлар ҳисобга олинса, Москванинг барча талаблари бажарилса, Украинадаги вазият тинч йўналишга ўтиши мумкин.
Россия Украинага қурол етказиб бериш келишувга халақит бермоқда, НАТО давлатларини можарога бевосита жалб қилмоқда ва “ўт билан ўйнаяпти” деб ҳисоблайди. Россия ТИВ раҳбари Лавровга кўра, АҚШ ва НАТО икки давлат ўртасидаги можарода бевосита иштирок этмоқда, жумладан, нафақат қурол-яроғ етказиб бериш, балки Буюк Британия, Германия, Италия ва бошқа мамлакатларда кадрлар тайёрлаш билан ҳам шуғулланмоқда. Кремлнинг таъкидлашича, Украинани Ғарб қуроллари билан тўлдириш музокараларга ҳисса қўшмайди, аксинча салбий таъсир кўрсатади.
Изоҳ (0)