“Россия Украина бўйича музокаралар учун очиқ” — Россия ТИВ раҳбари

Москва Украина бўйича музокаралар учун очиқлигича қолмоқда. Бу ҳақда Россия ТИВ раҳбари Сергей Лавров маълум қилди.

Биз бир неча бор, жумладан, юқори даражада ҳам, Россия музокаралар учун очиқлигича қолаётганини айтдик, — деди Лавров “РИА Новости”га берган интервьюсида.

Вазирнинг қўшимча қилишича, Россия томони сулҳни эмас, тинчликни назарда тутмоқда. Россиялик дипломатга кўра, Украина можароси доирасида Киевга пауза беришдан маъно йўқ, у бундан “қўшинларни қайта тўплаш, шунингдек, Украина армиясини қурол ва ўқ-дорилар билан таъминлаш учун фойдаланади”.

Бунгача Лавров Украинадаги можарони сиёсий йўл билан ҳал қилишни назарий жиҳатдан яқинлаштириш мумкин деб ҳисоблаган. У, шунингдек, Украина ҳозирда Россияни жанг майдонида мағлуб этишга интилаётган “уруш партияси” томонидан бошқарилаётгани ва бундай шароитда Киев билан мулоқотни тасаввур қилиш қийинлигини таъкидлаган.

Россия президенти Владимир Путин ҳукумат Истанбулдаги музокаралар асосидаги музокараларни давом эттиришга тайёрлигини доимо таъкидлаган. Путиннинг қайд этишича, агар Киевнинг ғарбий “кураторлари” музокараларни тўхтатишни буюрмаганида, жанглар бир ярим йил аввал якунланган бўларди.