Туркия ташқи ишлар вазири Хоқон Фидан Украина можаросининг кескинлашувидан чуқур хавотир билдириб, бу бутун дунё учун ҳалокатли оқибатларга олиб келиши мумкинлигини айтди. Бу ҳақда Haberturk хабар берди.
Фидан урушнинг нархи нафақат минтақа, балки бутун халқаро ҳамжамият учун ниҳоятда қиммат эканини билдирди.
Давом этаётган урушнинг минтақа ва бутун дунё учун товони жуда катта. Бундан ҳам жиддийси, хавф ўсиши ва тарқалиши мумкин. У географик жиҳатдан тарқалиши мумкин. Ядро қуролидан фойдаланиш эҳтимоли масаласи кун тартибида бўлиши мумкин, — деди вазир.
Сиёсатчи Туркия Украинадаги уруш бошланганидан бери уни дипломатик йўллар билан ҳал қилишга ҳаракат қилиб келгани ва бу давом этишини айтди.
Уруш давом этар экан, унинг тарқалиш хавфи сақланиб қолади, ундан қутулиб бўлмайди. Ҳар бир томон воқеалар ривожини ўзгартирадиган усуллардан фойдаланишга мажбур бўлади. Учқун бошқа жойларга тарқалиши мумкин, — деди Фидан.
Изоҳ (0)