Қозоғистоннинг айрим ҳудудларида 20 ноябрь куни қор ёғиши, туман тушиши ва ҳарорат 20 даражагача совиши кутилмоқда. Бу ҳақда “Казгидромет” маълумотларига таяниб, “Liter.kz” хабар берди.
Қўшни республикада ўзгарувчан об-ҳаво кузатилиб, пойтахт Остона, Олмаота ва бошқа ҳудудларда атмосфера ҳодисалари ўзининг хилма-хиллиги билан ажралиб туради.
Остона: ёмғир ва қор
Пойтахтни қарама-қаршиликларга тўла кун кутмоқда. Ўзгарувчан булутли ҳаво ўрнини ёмғир ва қор кўринишидаги ёғингарчиликлар эгаллайди. Тунда ва эрталаб шаҳарни туман қоплайди, шамол эса 3-8 м/с тезликда эсишда давом этади. Ҳарорат кечаси 11 даражагача совийди, кундузи эса 0 даражада бўлади.
Олмаота: ёмғирли оқшом ва бир оз илиқлик
Олмаотада кун ўзгарувчан булутли ҳаво билан бошланиб, ёмғир билан якунланади. Шамол 10 м/с гача кучаяди. Ҳарорат кечаси 2-4 даража, кундузи 13 даражагача илиқ бўлади.
Чимкент: туманли тонг, ёғингарчилик
Жанубий мегаполисда ёғингарчиликка қарамай илиқлик кузатилади. Баъзида ёмғир ўрнини туман эгаллайди. Шамол 13 м/с гача кучаяди. Ҳарорат кечаси 3-5 даража, кундузи 9-11 даража илиқ бўлади.
Бошқа вилоятлар: аёз, қор ва илиқ ҳаво
- Оқмўла вилояти: жанубда ёмғир, қор, музлик ва туман. Ҳарорат кечаси 14 даражагача совийди, кундузи 1 даражагача илиқлашади.
- Олмаота вилояти: кундузи ёмғир, тоғларда қор ёғиши кутилмоқда. Илиқ ҳаво сақланиб қолади: кечаси 5, кундузи 13 даражагача илиқ бўлади.
- Туркистон вилояти: тоғларда кучли ёғингарчилик, музлик ва туман тушади. Кечаси 2 даража совуқ, кундузи 15 даражагача илиқ.
- Ғарбий Қозоғистонда кечаси ёмғир ва қор, кундузи ер музлаши кутилмоқда, ҳарорат 3 даража совуқ, 7 даража илиқ.
- Кўстанай вилояти: қор ва туман. Кечаси 14 даражагача совуқ, кундузи 3 даражагача илиқ.
- Шимолий Қозоғистон вилояти: қор, бўрон. Ҳарорат кечаси 13 даражагача, кундузи 6 даражагача совуқ.
- Шарқий Қозоғистон вилояти: ёғингарчиликсиз, очиқ ҳаво. Ҳарорат кечаси 20 даражагача совуқ, кундузи 3 даражагача илиқ.
- Қарағанда вилоятида қор аралаш ёмғир, кечаси 11 даражагача совуқ, кундузи 5 даражагача илиқ.
Олмаота, Жамбил ва Туркистон вилоятлари каби бир қатор ҳудудларда жануби-ғарбий шамоллар тезлиги 20-28 м/с гача етиб, илиқлик ва ёғингарчилик кузатилади.
Изоҳ (0)