Ўзбекистон ҳудудига 13 майдан бошлаб иссиқ ҳаво кириб келиши кучади.
“Ўзгидромет” прогнозларига кўра, 12—16 май кунлари Ўзбекистон бўйича қуруқ ва асосан кам булутли об-ҳаво бўлиши кутилмоқда. Фақат айрим тоғли ҳудудларда 12—13 май кунлари қисқа муддатли ёмғир ёғиши, момақалдироқ кузатилиши мумкин.
12 май, душанба куни кундузи ҳаво ҳарорати 32-35 даража атрофида, шимолда, жанубда ва чўл ҳудудларда 37-39 даражагача бўлади.
Сешанбадан бошлаб республика ҳудудига иссиқ ҳаво кириб келиши кучади. Ҳаво ҳарорати аста-секин кўтарилиши кутилмоқда ва иш ҳафтасининг охирига келиб кундуз кунлари ҳаво 37-40 даражагача, баъзи жойларда 41-42 даражагача исийди.
Шимолда ва чўл ҳудудларида баъзи жойларда шамол тезлиги 15-18 метр/секундгача кучайиши, айрим жойларда чанг-тўзон билан кузатилиши мумкин.
Тошкентда ҳаво кам булутли бўлади, ёғингарчилик кутилмайди. 12 май куни кундузи ҳарорат 33-35 даража, 13—14 майда 35-38 даража, 15—16 майда 38-41 даража бўлади. Кечалари ҳарорат 19-21 даражадан 23-25 даражагача кўтарилади.
Изоҳ (0)