Самарқанд ва Қашқадарё вилоятларининг айрим ҳудудларида 19 декабрь куни кучли шамол ва чангли бўрон кузатилди. «Ўзгидромет» ҳолат бўйича қўшимча маълумот берди.
Қайд этилишича, Хоразм, Бухоро, Навоий, Самарқанд ва Қашқадарё вилоятларида эрталаб ва куннинг биринчи ярмида ёмғир ёғиши, шамолнинг кучайиши кузатилган. Навоий, Самарқанд, Жиззах вилоятларининг баъзи туманларида ёмғир ёғишидан олдин шамолнинг кучайиши чангли бўронларнинг кўтарилишига ва кўринувчанликнинг ёмонлашишига олиб келган.
«Яқин 2-3 соатда (соат 13 дан 15 гача) Тошкент, Жиззах, Сирдарё вилоятларида ёмғир ёғишидан олдин шамол кучайиши мумкин, баъзи жойларда қисқа муддатга чангли бўронлар кўтарилиши кутилмоқда», — дейилади «Ўзгидромет» хабарида.
Эслатиб ўтамиз, «Ўзгидромет»нинг 19 декабрь куни кузатиладиган об-ҳаво прогнозирда республика ҳудудининг катта қисмида ёмғир ёғиши айтилган. Шамол 7-12 метр/секунд тезликда эсади, баъзи жойларда 15-20 метр/секунд гача кучайиши мумкин. Ҳаво ҳарорати 10-15 илиқни ташкил этади.
Изоҳ (0)