Ҳиндистоннинг Мумбай шаҳрида чанг бўрони вақтида металл реклама тахтаси қулаб, 8 киши ҳалок бўлди, 70 га яқини жароҳатланди, 30 га яқин одам ҳамон вайроналар остида қолмоқда. Бу ҳақда The Times of India хабар берди.
Аввалроқ 3 киши ҳалок бўлгани ва 64 киши яралангани ҳақида хабар берилган эди. Маҳаллий ҳокимият вакилларининг айтишича, 30 метрли реклама баннери лицензиясиз ва рухсат этилган ўлчамлардан ошиб кетган ҳолда ўрнатилган. Фавқулодда ҳодиса жойида қутқарув операцияси давом этмоқда.
Ҳиндистон пойтахтининг гавжум ҳудудида ўрнатилган улкан реклама тахтаси тўсатдан бўрон бошланганда, силкиниб, ёқилғи қуйиш шохобчаси устига қулаган, у ерда одамлар ва машиналар бўлган.
13 май куни Мумбайда кучли ёмғир ва чақмоқ чақиб, шамол тезлиги соатига 50 км га етган. Ноқулай об-ҳаво туфайли бир неча рейслар қолдирилган ва поездлар қатнови, жумладан, ер усти метроси қатнови ҳам тўхтатилган.
Изоҳ (0)