Деборра-Ли Фернесс 2025 йил 23 май куни Ҳью Жекман билан расман ажрашиш учун ариза берди ва актёр билан 2023 йилдан буён бирга яшамаётганини эълон қилди. Бунга актёрнинг Бродвей мюзиклидаги ҳамкасби Суттон Фостер билан хиёнати сабаб бўлган. Деборра-Ли биринчи марта сукунатни бузиб, шахсий ҳаётидаги мураккаб давр тафсилотлари билан ўртоқлашди.
“Мен хиёнатнинг оғриқли йўлини босиб ўтган барчага ҳамдардман. Бу чуқур жароҳат бўлиб, у қалбларни тилка-пора қилади. Бироқ мен Худога ишонаман. Ушбу ишонч менга 30 йиллик никоҳнинг бузилишини бошдан кечиришга ёрдам берди. Ушбу тажриба менга кўп нарсани ўргатди.
Биз оғир қийинчиликларга дуч келсак ҳам, улар бизни яхшиликка — олий мақсадимиз томон элтади. Ушбу жараён оғриқли бўлиши мумкин, бироқ келгусида бу — қадриятларимиз доирасида ўзлигимизга қайтиш ҳамда эркинлик дегани”, дея ўз фикрларини билдирди Фернесс.
У ўз баёнотини муҳим бир нуқта билан якунлади:
“Биз ҳаммамиз ўзимизнинг шахсий йўлимиздамиз ва мен ҳаётимиздаги муносабатлар тасодифий эмаслигига ишонаман. Биз одамларга интиламиз, уларни ҳаётимизга таклиф қиламиз, сабоқ олиш, англаш ва ўзимизнинг жароҳатланган қалбимизни даволаш учун... Мен ундан миннатдорман”.
Изоҳ (0)