Голливуд юлдузларининг бахтли якун топмаган севги ҳикоялари (фото)

Таниқли бўлиш доимо омма эътиборида бўлишни англатади. Машҳурларнинг севги ҳикояларини мухлислар, мода нашрлари, папарацилар орқали диққат билан кузатиб боради. Агар уларнинг ҳаётида нимадир рўй берса, диққати бир неча маротабага кучаяди.

Жейсон Момоа ва Лиза Боне

Жейсон Момоа бўлажак рафиқасини бир кўришдаёқ севиб қолганини бир неча бор айтган. Унинг айтишича, Лиза билан жазз клубида учрашганида юрагида нимадир жиз этган. Ўшандан бери жуфтлик 2022 йил январигача бирга яшади.

Жейсон Момоа ва Лиза Боненинг ажрашиш ҳақидаги қарори мухлисларни ҳайратда қолдирди. Эр-хотин 17 йил бирга яшаганига қарамай, ҳаётга турлича қарашлар туфайли ажралишди, лекин бир-бирларига бўлган яхши муносабатни сақлаб қолди.

Бироқ яқинда эр-хотиннинг қайта муносабат ўрнатгани ҳақида маълумот пайдо бўлди. Хабар қилинишича, Момоа ва Бонет психотерапевтга мурожаат қилган.

Ким Кардашьян ва Канье Уэст

Муносабатларининг бошида Ким Кардашьян ва Канье Уэст шоу-бизнес оламидаги энг ёрқин жуфтликлардан бири ҳисобланган. Улар 2011 йил бошида танишган. Икки йил ўтгач эса қизли бўлди. 2014 йилда улар турмуш қурди. Қонуний никоҳдаги турмуш ўртоқлар яна 3 нафар фарзандли бўлди.

Аммо 2021 йилда Кардашьян ажрашиш учун ариза берди. Ўшандан бери Уэст ва Кардашьяннинг исмлари ОАВдан тушмай келмоқда. Канье эса собиқ хотинини болаларини кўришга рухсат бермаганликда айблайди. Шундан сўнг Уэст ўзининг ижтимоий тармоқларидан собиқ рафиқаси билан муносабатларни тартибга солиш учун оммавий платформа сифатида фойдалана бошлади.

Алекс Родригес ва Женнифер Лопес

2021 йил апрель ойида Женнифер Лопес собиқ бейсболчи Алекс Родригес билан ажрашди. Қўшма баёнотда улар дўст болиб қолганликларини ва бир-бирларини қўллаб-қувватлашда давом этишларини маълум қилди.

Кўп ўтмай Лопес собиқ севгилиси Бен Аффлек билан бирга экани ҳақида хабар пайдо бўлди. Газеталар нотўғри хабар беришмаганди: жуфтлик 18 йилдан кейин муносабатларига иккинчи имкониятни беришга қарор қилган кўринади.

Граймс ва Илон Маск

Бу жуфтликнинг ҳикояси романтик тарзда бошланди: Илон Маск хонанданинг ижтимоий тармоқдаги шарҳларини ўқиб чиқиб, уларни кулгили деб топди. У Граймсга унда ҳам худди шундай ҳазил туйғуси борлигини ёзди. Бунга жавобан хонанда сўнгги йилларда биринчи марта унинг ҳазилини кимдир тушунганидан хурсандлигини айтди.

Шундай қилиб, бутунлай бошқа дунё одамлар бирлашдилар: ихтирочи ва қўшиқчи. Икки йилдан кейин улар фарзандли бўлди. Бир йил ўтгач эса севишганлар ажралишди. Маскнинг сўзларига кўра, бунга уларнинг тиғиз иш жадвали сабаб бўлган. Tesla асосчисининг айтишича, улар ҳали ҳам бир-бирларини яхши кўради. Яқинда эса эр-хотиннинг иккинчи фарзанди дунёга келиши ҳақидаги хабар пайдо бўлди. Граймснинг сўзларига кўра, бу ҳеч нарсани ўзгартирмайди ва улар ҳали ҳам ажралган севишганлар ҳисобланишади.

Билл ва Мелинда Гейтс

27 йиллик турмушдан кейин Билл ва Мелинда Гейтс ажралишга қарор қилди. Эр-хотин муносабатларини сақлаб қолишга энди ишонмасликларини айтишди. Аввалроқ миллиардернинг ҳамкасби билан ишқий муносабати ҳақида маълум бўлган эди. Бироқ ажралиш Гейтс жуфтлигига биргаликда ишлашни давом эттиришга тўсқинлик қилмади: ҳозирда собиқ турмуш ўртоқлар биргаликда хайрия ташкилотини бошқаради.

Зейн Малик ва Жижи Ҳадид

Қўшиқчи ва модель ўртасидаги муносабатлар доимо омма эътиборида бўлган. Улар Instagram’да бир-бирларига бўлган ҳис-туйғулари ҳақида очиқчасига гапиришарди. Кейинчалик Жижи йигитининг клипида суратга тушди.

Жуфтлик ажралишни яширмагани ҳам ажабланарли эмас. Жижининг онаси йигитни номақбул хатти-ҳаракатларда айблади, ҳатто полицияга хабар беришгача борган. Зайн Малик эса буни қатъиян рад этди, хотинининг қариндошлари унинг шахсий ҳаётини оммага ошкор қилганидан норози бўлди.

Айтганча, бу жуфтликнинг биринчи ажралиши эмас. Ёшлар 2018 йилда ҳам ажралишганди, аммо кейин улар бир-бирларига нисбатан ўзаро ҳурматни сақлаб қолганликларини эълон қилишган.

Тимоти Шаламе ва Лили-Роуз Депп

Жонни Депп ва Ванесса Парадиснинг қизи Лили-Роуз Netflix’нинг «Қирол» фильми суратга олинаётганда Шаламе билан танишиб қолади. Гарчи жуфтлик шахсий ҳаётлари ҳақида изоҳ беришни истамаган бўлсалар-да, ёшларнинг романтикаси ҳақидаги миш-мишлар дарҳол матбуотда пайдо бўлди. Бироқ 2 йил ўтгач, улар ажралишди. Бу бир умргами ёки йўқми ҳозирча номаълум, чунки муносабатлар тугагандан сўнг папарацилар Лили ва Тимотини яна биргаликда кўришган.

Меган Фокс ва Брайан Остин Грин

Меган Фокс ва Брайан Остин Грин ўртасидаги 2004 йилда бошланган муносабатларни кўпчилик ўйинга қиёслаган. 13 ёш фарқига қарамай, актёрлар тезда турмуш қуришди, мазкур никоҳдан 2 нафар фарзанд туғилди.

Аммо Меган 2015 йилда ажрашиш учун ариза берди ва бунга сабаб сифатида муросасиз келишмовчиликларни кўрсатди. Бир йилдан камроқ вақт ўтгач эса собиқ турмуш ўртоқларнинг учинчи фарзанди дунёга келди. Бу сафар эр-хотин 3 йил бирга яшади ва яна ажрашиш учун ариза берди. Ҳозирда уларнинг фарзандлари сабаб муносабатлари яхши, Грин собиқ хотинини энг яқин дўстим, деб атайди.