4 апрель куни Тошкентдаги Ўзбекистон Миллий кино санъати саройида “Чимилдиқ” бадиий фильмининг ёпиқ премераси ўтказилди.
Фильмда бош қаҳрамонлар Тоҳир ва Зуҳра бир-бирларини севиб турмуш қурган, лекин арзимас турмуш можаролари сабаб ажрашишга қарор қилишади.
Ажрим қарори чиқиши билан улар хурсанд ҳолда икки томонга йўл олди. Энди улар озод қуш мисол янги ҳаёт сари ошиқмоқда. Бироқ тақдирнинг кутилмаган туҳфаси туфайли улар тунда қаерда уйқуга кетишмасин, эрталаб ясатилган чимилдиқ ичида уйғонишади. Чимилдиқ билан боғлиқ бу воқеа орқали фильм ижодкорлари никоҳнинг муқаддаслиги ва арзимас маиший можаролар туфайли оилани барбод қилмасликка чақиришади.
Ушбу фильм нафақат Ўзбекистонда, балки халқаро миқёсда катта қизиқиш билан қарши олинмоқда.
Хусусан, фильм қозоғистонлик, озарбайжонлик ижодкорлар томонидан қозоқ ва озар тилларига дубляж қилинди ва 10 апрель куни Озарбайжоннинг Боку шаҳрида, 16 апрель куни қўшни Қозоғистоннинг Олмаота ва 17 апрель куни Чимкент шаҳарларида премераси бўлиб ўтади.
Фильмда асосий ролларини актёрлар Дадахон Обидов, Ситора Алимжонова, Муҳаммадисо Абдулхаиров, Хосият Ҳусанова, Толиб Мўминов, Муяссар Бердиқулова, Дилшодбек Каттабеков, Зуҳра Солиева, Саид Мухторов, Бобур Айтбаганбетов, Моҳларой Собирова, Бобур Пирматов, Азиза Абдуллаева, Каромат Исамова, Нуржаҳон Ҳайдаровалар маҳорат билан ижро этишган.
Изоҳ (0)