Ижтимоий тармоқларда фуқаролардан бирини темир йўлда ток ургани ҳақида видеолар тарқалди. Ҳолат юзасидан “Ўзбекистон темир йўллари” АЖ изоҳ берди.
Маълум қилинишича, ҳодиса 10 июнь куни Андижон вилоятидаги Пойтуғ бекатида содир бўлган. Бегона фуқаролардан бири темир йўл станцияси ҳудудига кириб, иккинчи йўлда бўш турган цистернага чиқиб олган.
Вагонда бўлган эркак контакт тармоғидаги кучланиш таъсирига тушиб, ерга йиқилган. Станция навбатчи ходими воқеага зудлик билан муносабат билдириб, тез тиббий ёрдам бригадасини чақирган.
Жабрланувчига зарур тиббий ёрдам кўрсатилиб, шифохонага олиб борилган.
Тошкентда темирйўлнинг белгиланган қисмидан велосипедда кесиб ўтаётган болани поезд уриб кетгани ҳақида хабар берилган эди. Шунингдек, Тошкент шаҳар Юнусобод туманида поезд устида селфи тушмоқчи бўлган икки болани ток урганди.
Изоҳ (0)