Тошкент вилояти Зангиота туманидаги темир йўл ҳудудида 10 ёшли болани поезд уриб юборди. Бу ҳақда “Миллар” информацион дастурида маълум қилинди.
Қайд этилишича, 20 июнь куни соат 09:30 ларда “Ўзбекистон” бекатида хавфсизликни таъминлаш бўлинмаси хизмат телефонига Зангиота темир йўл кесишмасида Бекобод—Тошкент йўналишида ҳаракатланган электропоезд вояга етмаган болани уриб юборгани тўғрисида хабар келиб тушган.
Дастлабки маълумотларга кўра, бола велосипед ёрдамида поезд йўлини кесиб ўтмоқчи бўлган. У олган тан жароҳатлари оқибатида ҳодиса жойида вафот этган.
Ҳолат юзасидан тергов ҳаракатлари олиб борилмоқда.
Май ойининг бошларида Андижон вилоятида поезд 8 ёшли қизалоқни уриб юборгани тўғрисида хабар берилганди. Ундан олдин эса Тошкент вилоятида 31 ёшли эркак поезд уриб кетишидан ҳалок бўлган эди.
Изоҳ (0)