Apple компанияси iOS 26 операцион тизими орқали AirPods фойдаланувчилари учун янги қулайликни тақдим этди. Унга кўра, қулоқчинлар қуввати тугашига ярим соат вақт қолган вақтда iPhone фойдаланувчини огоҳлантиради.
Янги функция орқали қувват даражаси ҳақида хабарномалар AirPods ишлатилаётган пайтда эмас, балки футляр ичида турган ҳолатида ҳам юборилади. Бу фойдаланувчининг наушниклар қувватсиз қолиб кетишини олдиндан билиб, керакли чорани кўришига ёрдам беради.
Apple тизими фойдаланувчининг кундалик одатларини ҳам ҳисобга олади. Масалан, агар iPhone тунда зарядга уланган бўлса, у AirPods футлярининг ҳам зарядга муҳтожлигини эслатади. Заряд тўлиқ бўлгач эса уни тармоқдан узишни тавсия қилади.
Функция барча AirPods моделлари учун мос келади ва iOS 26 янгиланиши билан автоматик тарзда фаоллаштирилади. Уни хоҳловчилар ўчириб қўйиши ҳам мумкин, бунинг учун: Созламалар → AirPods → Батарея бўлимидан “Зарядлаш ҳақида билдиришномалар” функциясини фаолсизлантириш кифоя.
Изоҳ (0)